Գիտնականները պարզել են անվստահ կանանց տարիքը. news.am

35-49 տարեկան կանայք առավել քիչ են իրենց դուր գալիս հայելու առջեւ: Այս փաստը բացահայտվել է Մեծ Բրիտանիայում անցկացված հարցման արդյունքում: Առավել ինքնավստահ են դեռահասները, 20-ից բարձր աղջիկները եւ 50-ն անց կանայք, հաղորդում է The Daily Mail-ը:

Մեծ Բրիտանիայի ձեռնարկատիրության, ինովացիաների եւ կանանց իրավահավասարության հարցերով նախարար Ջո Սուինսոնի կարծիքով՝ այդ ֆենոմենը կարելի է բացատրել պլաստիկ վիրահատություններով: Դրանով նրանք անհնար ստանդարտներ են սահմանում այդ հասակի կանանց համար:

Սուինսոնի խոսքով՝ իր դերն է խաղում նաեւ այն, որ աստղերի լուսանկարները ֆոտոշոփով լավ մշակում են, հաղորդում է Mignews.com-ը:

Հարցումը ցույց է տվել, որ միջին տարիքի բրիտանուհիների միայն 57 տոկոսն է գոհ իր արտաքինից:

Միաժամանակ, 50-64 տարեկան կանանց շրջանում այդ ցուցանիշը հասնում է 71 տոկոսի, 18-24 տարեկանների շրջանում՝ 63 տոկոսի: 65-ից հետո բավականությամբ հայելուն նայում է կանանց  64 տոկոսը:

Նախարարի կարծիքով՝ խնդիրն այն է, որ հեռուստատեսությունում միջին տարիքի կանայք քիչ են, որոնք կարող են օրինակ ծառայել:

Հարցեր, պատասխաններ, մեկնաբանություններ